Termizda “Kamalak” bilimdonlari” ko‘rik-tanlovining Surxondaryo viloyati bosqichi bo‘lib o‘tdi.

Termizda “Kamalak” bilimdonlari” ko‘rik-tanlovining Surxondaryo viloyati bosqichi bo‘lib o‘tdi.

O‘zbekiston yoshlar ittifoqi viloyat kengashi tomonidan tashkil etilgan tadbirda mamlakatimizda navqiron avlodning tashabbus va intilishlarini har tomonlama qo‘llab-quvvatlash, ularning iste’dod va salohiyatini namoyon etishi uchun keng sharoit yaratishgaalohida e’tibor qaratilayotgani ta’kidlandi.

Tanlovning quyi bosqichlarida g‘olib bo‘lgan yoshlar tanishuv, sahna ko‘rinishi, savol-javob hamda ijtimoiy loyiha yo‘nalishlarida o‘z bilim va mahoratini sinovdan o‘tkazdi.

Birinchi o‘rinni Uzun tumanidagi 3-ixtisoslashtirilgan umumta’lim maktabi jamoasi qo‘lga kiritdi va tanlovning mamlakat bosqichiga yo‘llanma oldi. Sariosiyo tumanidagi 1-umumta’lim maktabi ikkinchi, Jarqo‘rg‘on tumanidagi 46-umumta’lim maktabi jamoasi uchinchi o‘rinni egalladi.