Размер шрифта: A A A
Цвет сайта: A A A A

14.05.2018 17:50 Чоп этиш версияси

Ўзбекистон ва Россия қўшма лойиҳаси: “Хўжа Насриддин” Ўзбекистонда суратга олинади

Ўзбекистон ва Россия қўшма лойиҳаси: “Хўжа Насриддин” Ўзбекистонда суратга олинади Ўзбекистон ёшлар иттифоқи ташаббуси билан Канн кинофестивали доирасида ташкил этилган миллий павильонда ўзбек делегацияси янги келишувларга эришишда давом этмоқда.

Бутун дунё кинематографлари ва кинобозорини бир ерга тўплаган Канн халқаро фестивалининг энг қизғин палласига келган бир даврда Ўзбекистон делегацияси Россиянинг “Реновацио” кинокомпанияси билан ҳамкорлик меморандуми имзолади.


Меморандумга мувофиқ 2018 йилда россиялик киноижодкорлар ўзбек ҳамкасблари билан бирга Ўзбекистонда “Хўжа Насриддин” фильмининг суратга олиш ишлари бошланади.

“Реновацио” кинокомпанияси продюсери Георгий Малковнинг таъкидлашича, россиялик киноижодкорлар томонидан мазкур фильмда роль ижро этиш учун супер юлдуз Жан Рено ҳам таклиф этилган. Жан Рено томонидан мазкур таклиф ижобий қабул қилинган.


“Хўжа Насриддин” лойиҳасида ижодий ва техник гуруҳнинг ярмини ўзбекистонлик мутахассислар ташкил этади.

Лойиҳанингишга туширилиши ўзбекистонлик мутахассисларнинг иш билан таъминланиши, ўзаро тажриба алмашиши, шунингдек мамлакатимизга хорижий инвестициянинг жалб этилишига ёрдам беради.

Маҳфуза Ортиқова, ЎзА
6 093