ЎзА Ўзбек

05.02.2019 Чоп этиш версияси

Ҳазрат Навоийнинг ижоди рассомлар талқинида

Ҳазрат Навоийнинг ижоди рассомлар талқинида

Навоий шаҳар Ёшлар марказида Алишер Навоий таваллудининг 578 йиллигига бағишланган “Алишер Навоий ижоди санъат ва маданият кесимида” мавзусида республика илмий-амалий конференцияси бўлиб ўтди.

Тадбирда Ўзбекистон Фанлар академияси Санъатшунослик ҳамда Камолиддин Беҳзод номидаги Миллий рассомлик ва дизайн институтларининг бир гуруҳ олимлари, таниқли шоир ва ёзувчилар, мўйқалам усталари, ёшлар иштирок этди.

20.jpg

Конференцияда буюк мутафаккир Алишер Навоий яшаган давр маданияти, санъати, улуғ шоир ижоди, асарларида бадиий қаҳрамонлар тасвири, образли ифодалар каби мавзуларда маърузалар тингланди.

Навоий шаҳридаги санъат галереясида “Ҳазрат Алишер Навоийнинг бебаҳо хазинаси” номли республика рассомлари кўргазмаси иш бошлади. Навоийхонлик ойлиги доирасида давом этадиган мазкур кўргазмада Файзулла Аҳмадалиев, Бахтиёр Маҳкамов, Шуҳрат Абдумаликов, Любовь Тиора, Мартин Антонян сингари таниқли рассомларнинг ижодий ишлари намойиш этилмоқда.

15.jpg

Кўргазманинг очилиш маросимида Ўзбекистон халқ рассоми, Ўзбекистон Бадиий академияси раиси Акмал Нур Алишер Навоийнинг ижод йўли, асарларида ватанпарварлик ва маърифатпарварлик ғоялари, гўзаллик ва эзгулик туйғулари уйғунлиги, ёшлар тарбиясида тутган ўрни хусусида сўз юритди.

Тадбир доирасида Навоий асарлари қаҳрамонлари сиймосини яратиш бўйича ёш рассомлар ўртасида ўтказилган вилоят кўрик-танлови ғолибларини тақдирлаш маросими ўтказилди.

10.jpg

4.jpg

1.jpg

8 858
Сирож Аслонов (сурат), ЎзА​