ЎзА Ўзбек

11.08.2019 Чоп этиш версияси

Каспий иқтисодий форуми: Инновацион технологиялар ҳамкорликка йўл очади

Каспий иқтисодий форуми: Инновацион технологиялар ҳамкорликка йўл очади
Туркманбоши, 11 август. ЎзА махсус мухбири Улуғбек Асроров хабар қилади.


Туркманистоннинг “Аваза” миллий туризм зонасида биринчи Каспий иқтисодий форуми бошланди.


86013ec4-04e4-4cde-be2d-35c18bc66e15.jpg 

Тадбир очилишида сўзга чиққанлар форумнинг аҳамияти, унинг Каспий бўйи минтақасида ҳамкорликнинг янги механизми, аҳил қўшнилик алоқаларини мустаҳкамлаш, савдо, транспорт, энергетика, туризм каби йўналишларда истиқболли лойиҳаларни самарали рўёбга чиқаришдаги ўрни ҳақида фикр билдирди. Ўзаро иқтисодий ҳамкорликни ривожлантириш, инновацион ютуқларни оммалаштириш ва янги ғоялар алмашинуви бўйича алоқаларни мустаҳкамлаши таъкидланди.
  

75b292bd-be9f-4717-a595-c8a660ba2ec4.jpg

Форум доирасида Каспий инновацион технологиялари ва “Туркманистон саҳроси – 2019” халқаро кўргазмалари бўлиб ўтмоқда.

Хусусан, Каспий инновацион технологиялари кўргазмасида Россия, Туркманистон, Эрон, Озарбайжон ва Қозоғистон билан бирга, Ўзбекистон стенди билан танишиш мумкин.

Ўзбекистон учун ажратилган павильонда мамлакатимизда ишлаб чиқарилган юқори технологиялар, энергетика, автомобилсозлик каби бир қатор соҳаларда эришилган инновацион ютуқлар намойиш этилмоқда. 

592edc69-9c8f-4d0e-87d6-a5a7b4d340f4.jpg

“Made in Uzbekistan” бренди остидаги инновацион ишланмалар ва маҳсулотлар кўргазма иштирокчиларида катта қизиқиш уйғотмоқда.

be6b3851-02fa-4edd-b319-59de60a2d7f1.jpg

“Туркманистон саҳроси – 2019” халкаро кўргазмасидан, асосан, минтака давлатларида ишлаб чикарилган сўнгги русумдаги автомобиллар ўрин олган. Бу ерда мамлакатимизда ишлаб чикарилган автомобиллар ҳам намойиш этилмоқда.

Мамлакатимиз делегацияси аъзолари кўргазмалар доирасида Каспий бўйи минтақаси давлатлари ишбилармон доиралари билан музокаралар олиб бормоқда. Унда қатор соҳаларда ўзаро манфаатли ҳамкорликка доир келишувлар имзоланиши кутилмоқда.




12 661
Аъло Абдуллаев олган суратлар. ЎзА