ЎзА Ўзбек

31.08.2016 16:10 Чоп этиш версияси

Қандолат ва нон маҳсулотлари ишлаб чиқариш йўлга қўйилди

Ватанимиз мустақиллигининг 25 йиллик байрами кенг нишонланаётган шу кунларда Қорақалпоғистон Республикаси Қанликўл туманида “Асел-Лаззат” хусусий корхонаси томонидан қандолат ва нон маҳсулотлари ишлаб чиқариш йўлга қўйилди.

Бу ерга банкдан олинган 90 миллион сўмлик имтиёзли кредит маблағи ҳисобидан замонавий ускуналар келтириб ўрнатилди.

– Тўрт хил нон ва саккиз турдаги қандолат маҳсулотлари тайёрлаб, буюртмачиларга етказиб бермоқдамиз, – дейди корхона раҳбари Собир Бийсенов. – Янги лойиҳанинг амалиётга татбиқ этилиши натижасида ўнга яқин коллеж битирувчиси иш билан таъминланди.

Қорақалпоғистон Республикасини 2016-2018 йилларда ижтимоий-иқтисодий ривожлантириш дастури асосида 546,5 миллиард сўмлик ва 600 минг долларлик инвестициялар ҳисобига 5 минг 252 лойиҳани амалга ошириш ва шунинг эвазига 27 минг 223 янги иш ўрни яратиш мўлжалланган.

Аминбой Ортиқбоев, ЎзА
6 187