Американың «Fox News» арнасы Қытайды вирустың негізі қайдан пайда болғандығы жайлы ақпаратты жасырғандықта айыптады

Жер бетіндегі тіршілік иесіне қауіп төндірген коронавирустан алғашқы ауырған науқас Қытайдың Уханьдағы вирусология институтында жұмыс жасағаны жайлы Американың «Fox News» арнасы кеше хабар таратып, Қытайды вирустың негізі қайдан пайда болғандығы жайлы ақпаратты жасырғандықта айыптап еді.

Дәл осы ақпаратқа жауар ретінде бүгін Қытай СІМ басшысы Чжао Лицзянь «Fox News» арнасының таратқан хабарын жоққа шығарып, американдық БАҚ-та ешқандай ғылыми дәлелдер жоқ деп мәлімдеп, «Вирустың таралуы мен басқа да болжамдар туралы айтылған ақпаратта ешқандай ғылыми негіз дәлелдері жоқ», деген.

Ал «Fox News» арнасының таратқан хабарында Ухандағы лабораториядағы жұмыс биологиялық құралдар жасау емес, бәлкім олар тек вирустар бойынша зерттеулер жүргізу мен бірге ол жөніндегі ақпаратты жасырған, делінген болатын.

Бұған дейін АҚШ президенті Дональд Трамп Қытайды осы вирус жайлы ақпаратты жасырғандықта айыптап халықаралық жаза тағайындау керек деді. Сонымен қоса Дүниежүзілік денсаулық сақтау ұйымы Қытайға қол ұшын бере індеттің асқындауына жол бергендікте кінәлі деп бағалап ұйымды басқа қаржыландырмау жайлы бұйрық бергені хабарланған. Алайда ресми Қытай бұл айыптаулардың барлығын жоққа шығаруда.

Соңғы дерекке сай әлемде қазір COVID-19 коронавирусынан жапа шеккен жандар 2 064 115 кісіге жетіп, 512 мың азамат аурудан саыққан. Қаза болғандар саны 137 мыңнан жоғары.