200-ге жуық өрт ошақтарының жалыны 500 миллионға жуық жануардың өмірін қиған

2019 жылдың жаз мезгілі рекордты дәрежеде климаттың ысуы мен өте құрғақ келуі нәтижесінде Австарлияның Жаңа Оңтүстік Уэльс штатында және елдің көп аумағында соңы екі айдан беріге жалғасып келе жатқан орман өртінен 24 адам қаза болып, 500 миллионнан астам жануарлар жанып кеткен.

Әлі күнге республика көлемінде 200-ге жуық өрт ошақтарының жалыны сөнбей тұр. 1200-ден астам үйлер қирап, миллиондаған гектар аймақтың күл талқаны шығып, мемлекет 1,1 - 2,5 млрд доллар көлемінде шығынға батқан. Жалын шарпыған өрт ошақтарының NASA тарапынан 2019 жылдың 5 желтоқсанынан 2020 жылдың 5 қаңтарына дейінгі мерзімде 3D көрінісі жасалған. Осы бейнеде бүкіл Австралияның отқа оранған өрт ошақтарын көру мүмкін.