"NUR" атауымен рингке шығатын Елнұр, қазірде әуесқой бокспен бірге кәсіпқойлықты да қатар алып келеді.

Бірнеше күнге жалғасқан бокс бойынша Өзбекстан чемпионаты өз мәресіне жетті.

Ташкенттегі «Универсал» спорт сарайында өткен бұл жарыста Өзбекстанның үздік ең мықты деген боксшылары тағыда іріктеліп, финалдық кездесулер кезінде олардың дайындығы жылдағыдан өзгеше кендігін байқатты. 

Республика бойынша 200-ге жуық боксшылар қолғап түйістірген жарыста жақсы нәтиже көрсетіп чемпион атанған Ташкент облысында туған боксшылар болды. Олар қатарында Ташкент облысының Бостандық ауданында туған Елнұр Абдураиымов 64 келі салмақта жеңімпаз атанды. Елнұр қазірде әуесқой бокспен бірге кәсіпқойлықты да қатар алып келеді.

Биылғы Өзбекстан жеңімпаздары:

-49 кг: Умарқул Эрматов (Жыззақ)
-52 кг: Фозилжон Абдумуродов (Жыззақ)
-56 кг: Айбек Жураев (Ташкент облысы)
-60 кг: Абдумалик Халаков (Ташкент облысы)
-64 кг: Елнұр Абдураимов (Ташкент облысы)
-69 кг: Жахангир Раҳмонов (Динамо)
-75 кг: Адилжон Аслонов (Бұхара)
-81 кг: Шухрат Абдуллаев (Динамо)
-91 кг: Жамшиджан Абдуллаев (Ферғана)
+91 кг: Улуғбек Мубинов (Бұхара)

10 салмақ дәрежесі бойынша өткен сайыста, ұйымдастырушылар тарапынан биыл алғаш рет Руфат Рисқиев атындағы сыйлық тағайындалған болып, сайыста үздік босксшы атанған 60 келі салмақта өнер көрсетіп жеңімпаз атанған Абдумалик Халаковқа табысталды.