Биылғы жылғы Физика саласы бойынша Нобель сыйлығы астрофизиктердің ашқан революциялық жаңалығы үшін берілді.

Биылғы жылғы Физика саласы бойынша Нобель сыйлығы физикадан астрономиядағы революциялық жаңалық ашқан ғалымдар үшін берілді.

Шведцияның корольдік ғылым академиясы 2019 жылғы физикадан Нобель сыйлығын физикалық ғарышнама саласындағы ашқан теориялық жаңалықтар үшін американдық физик Джеймс Пиблске, сонымен қатар, күн тәріздес жұлдызды айналатын экзопланетаны ашқаны үшін швейцариялық астрономдар Мишель Майор мен Дидье Келоға табысталатынын мәлімдеді.

Американдық физик Джеймс Пиблс – ғарышнама саласында Үлкен жарылыстан кейін ғаламды толтыратын реликтілі сәулеленудің болуын болжаған. Ал, астроном Майор мен Кело 1995 жылы 51 Пегаса b экзопланетасын ашқан, содан бері күн тәріздес жұлдызды айналып жүретін төрт мыңнан астам экзопланеталар табылды.

Ғылыми академия астрономия саласында ғалымдардың жаңалықтарын революциялық деп атап, олар ғаламның эволюциясын және ондағы Жердің орнын зерттеуге қосқан үлесі лайықты бағаланғанын жеткізді.

Еске сала кетсек, кеше медицина және физиология саласы бойынша Нобель сыйлығының иегерлері анықталған еді.