ӨзА Қазақ

24.10.2019 Басып шығару нұсқасы

Мемлекет басшысы өнеркәсіп салаларын дамыту бойынша кеңес өткізді

Мемлекет басшысы өнеркәсіп салаларын дамыту бойынша кеңес өткізді

Өзбекстан Республикасы Президенті Шавкат Мирзияев индустрианы дамыту, мұнай-газ өнімдерін өндіру және оларды тұрақты түрде тұтынушыларға жеткізу жұмыстарына арналған кеңес өткізді.

Жиында, шенеуніктер осы жылдың 9 ай ішіндегі өндіріс көлемі мен болжамды параметрлердің орындалуы туралы есеп берді. Осы аралық кезінде өнеркәсіп өндірісі 234,7 трлн сумға жеткен. Өткен жылмен салыстырғанда 7 пайызға артқан.

Мемлекет басшысының шағын бизнесті дамытуға байланысты берген тапсырмасына сай, қабылданған жарлықтар мен қаулылардың нәтижесінде елдегі іскерлік ахуал айтарлықтай жақсарған. Мұны өткен жылдың көрсеткішімен салыстырып байқауға болады. Өйткені 2018 жылға қарағанда биыл шағын өнеркәсіп кәсіпорындарының жалпы саныь 25 пайызға артқан.

Биылғы өнеркәсіптің дамуы экспорттың 24 пайызға артуын қамтамасыз етті. Нақтылай айтқанда, автомобильдердің экспорты 3,3 есе, автобустар 2 есе, жүк көліктері 1,5 есе, трансформаторлар мен аккумуляторлар 2,7 есе, кабель өнімдері 2,2 есе, аяқ киім 2,1 есе өсті. Дайын трикотаж және тігін бұйымдары 25 пайызға, трикотаж бұйымдары 31, дайын тоқыма бұйымдары 38, тамақ өнімдері 14 , түсті металдар мен олардан жасалған бұйымдар 45, қара металдар 54 пайызға артқан.

Өзбекстан Республикасы Президентінің баспасөз қызметі хабары. Жиынның толық нұсқасын «president.uz»дан оқи аласыздар.

7 936
ӨзА