ӨзА Қазақ

30.08.2019 Басып шығару нұсқасы

Өзбекстандағы жел электр станциясы Қарақалпақстан мен Науаиы облыстарында салынатын болды

Өзбекстандағы жел электр станциясы Қарақалпақстан мен Науаиы облыстарында салынатын болды

2019 жылдың 1-ші ақпанындағы «Өзбекстан Республикасы мен Германия Федеративтік Республикасы арасындағы жан-жақты ынтымақтастықты одан әрі кеңейту жөніндегі шаралар туралы» Өзбекстан Республикасы Президентінің жарлығы қабылданған болатын. Онда, Еуропалық қайта құру және даму банкінің кредиттік қаржысы есебінен Өзбекстанда құрылатын заманауй жел электр станциясының жобасын Біріккен Араб Әмірлігінің “Masdar” компаниясы құратыны белгілі болған.

Соған байланысты алғашқы жобалар Нүкіс қаласы маңында орналасқан Қаратау аймағында қуаты 100 МВт және Науаиы облысының Зарафшан қаласы аумағында 200 МВтты қуатқа ие жел электр станциясын құратын лайықты майдан қарастырылған болып, мамандар тарапынан орнықты орта табылды.

29 тамыз күні «Өзбекстан ұлттық электр желілері» АҚ-да болып өткен кездесуде осы екі жоба жайында келесі кезеңнің бастамалары жоспарланды.

Оған байланысты Қарақалпақстанның Қаратау аумағында құрылатын қуаты 100 МВт-тық жел электр станциясын құру бойынша Еуропалық қайта құру және даму банкінің техникалық комиссия мүшелері өз жұмысын аяқтағаннан соң жоба үшін тендер жариялайтын болады. Тендер 2020 жылдық қаңтар-ақпан айларында өтетін болады.

Ал, Науаиыдағы құрылатын 200 МВтты қуатқа ие жел электр станциясын құратын Біріккен Араб Әмірлігінің “Masdar” компаниясы мен “Sredazenergosetproekt” АҚ ортасында келісім-шарт орнатылды.

Бұл жобалар баламалы энергияны пайдалану арқылы Қарақалпақстан Республикасы мен Науаиы облысы аймағының энергетикалық жүйесіне оң өзгерістер әкеледі деп күтілуде.

20 280
ӨзА